Cumm'è stretta 'sta via
A 'ggente nun ce cape
Se fa 'na prucessione
Ca cammina chianu chianu

Nun è muorto nisciuno
Nun è 'o santo e nisciuno
Nun se sente 'na voce
E non suona 'na campana

E intanto 'o core aspetta
Ca s'arapene 'e funtane
E chiove, n'capo 'e criature
Vulesse arravuglià 'sta luna
Cu 'na funa
Pe m'a purtà luntano
Pe m'a purtà luntano
Addò 'o cielo che è cielo e nun
Se fa mai scuro

E chiove, n'terra e nisciuno
Vulesse cummannà pe
Spremmere 'e dulure
Dinto a 'stu ciummo amaro
Ca nun canosce 'o mare
Pecchè 'o mare è luntano
Eppure sta vicino

Comm'è 'llonga 'sta via
Pecchè nun sponta mai
Se perde dint' 'e 'pprete
'Mmiezo 'e carte arravugliate
Sotto 'a l'evera 'e muro
Ca s'arrampeca e 'ggiura
'E jastemme de' juorne
'E serate senza pane
E intanto 'o core aspetta
Ca s'arapene 'e funtane

E chiove, n'capo 'e criature
Vulesse arravuglià 'sta luna
Cu 'na funa
Pe m'a purtà luntano
Pe m'a purtà luntano
Addò 'o cielo che è cielo e nun
Se fa mai scuro

E chiove, n'terra e nisciuno
Vulesse cummannà pe spremmere 'e dulure
Dinto a 'stu ciummo amaro
Ca nun canosce 'o mare
Pecchè 'o mare è luntano
Eppure sta vicino

Dinto a 'stu ciummo amaro
Ca nun canosce 'o mare
Pecchè 'o mare è luntano
Eppure sta vicino

Copyright: Sugarmusic, Sugarmusic O/B/O Double Marpot Ed. Musicali, Sugarmusic s.p.a.
Writer(s): Joe Giuseppe Amoruso, Sergio Cirillo