Where Cart rins rowin' to the sea,
By mony a flow'r and spreading tree,
There lives a lad, the lad for me,
He is the gallant Weaver.
I love my gallant Weaver.

Oh I had wooers aught or nine,
They gied me rings and ribbons fine,
And I was feared my heart would tine,
And I gied it to the Weaver.
I love my gallant Weaver.

My daddie sign'd my tocher-band
To gie the lad that has the land,
But to my heart I'll add my hand,
And give it to the Weaver.
I love my gallant Weaver.

While birds rejoice in leafy bowers
While bees delight in op'ning flowers
While corn grows green in simmer showers,
I love my gallant Weaver.

Copyright: CONCORD MUSIC PUBLISHING LLC
Writer(s): James MacMillan, Robert Burns