U mæ ninin u mæ
U mæ
Lerfe grasse au su
D'amë, d'amë

Tûmù duçe benignu
De teu muaè
Spremmûu 'nta maccaia
De stæ, de stæ

E oua grûmmu de sangue ouëge
E denti de laete

E i euggi di surdatti chen arraggë
Cu'a scciûmma a a bucca cacciuéi de bæ
A scurrï a gente cumme selvaggina
Finch'u sangue sarvaegu nu gh'à smurtau a qué
E doppu u feru in gua i feri d'ä prixún
E 'nte ferie a semensa velenusa d'ä depurtaziún
Perché de nostru da a cianûa a u meü
Nu peua ciû cresce ni aerbu ni spica ni figgeü

Ciao mæ 'nin l'ereditæ
L'è ascusa
'Nte sta çittæ
Ch'a brûxa, ch'a brûxa
Inta seia che chin-a
E in stu gran ciaeu de feugu
Pe a teu morte piccina

Copyright: Universal Music Publishing Group
Writer(s): Fabrizio De André, Mauro Pagani